فوايد انك تتجوزى واحد زملكاوى

فوايد انك تتجوزى واحد زملكاوى ..
.
.
.
.
أولا : ده واحد راضى بقضاء ربنا ومبيعترضش .. يعني تلاقيه بقاله خمسين سنه نفسه الزمالك ياخد الدورى ومبياخدهوش وعادي جدااا مبيعترضش

ثانيا : عنده حصانه ضد الضغط والسكر .. لأنه لو كان عنده استعداد يجيله ضغط أو سكر كان جاله من زماااااااااااااااان

ثالثا : أصيييييييييييييييل .. يعنى بقاله سنييييييييين بيشجع الزمالك وعارف انه مش هياخد الدورى ومع ذلك عمره ما فكر يسيبه فصدقينى مهما عملتى ومهما كانت عيوبك مش هيفرط فيكى

رابعا : متسامح .. يعني تلاقى أصحابه الأهلاويه كل شويه يعايروه .. وتلاقيه مبيردش عليهم .. مش عشان عينه مكسوره لا سمح الله بس عشان قلبه كبيييييييييييير

خامسا : مختلف .. يعني مصر كلها بتشجع الأهلى وده طالعلك فيها بيشجع الزمالك وعادى جدااا معندوش أى مشكله وده في حد ذاته تميز واختلاف

سادسا : هيلتمسلك الأعذار .. يعنى مثلا يبقى عارف ان الزمالك كان أداؤه زى الزفت ومع ذلك ميحبش يلوم عليه أبدا .. تلاقيه بيقولك التحكيم .. مش عشان حاجه بس هو طبعه كده يحب يلتمس الأعذار لأى حد

سابعا : مبيعرفش اليأس .. يعني تلاقيه واخد أصحابه ورايحين يشجعوا الزمالك فى الاستاد .. ومع انه كل مره بيخسر .. الا انه مبييأسش .. كل مره بيروح يشجع علي أمل انه يكسب عادى جدااا
Sent from my BlackBerry® wireless handheld