نكت مصرية

نكت مصرية

- واحد بخيل راح يزور أمه في المستشفى شاف على الباب مكتوب 'إدفع' قال: خلاص أبقى أزورها لما تروح البيت.

- مصري أهدى الريس حسني مبارك سلحفاة هدية وقال له: السلحفاة ديه بتعيش 400 سنة، قاله الريس: حنشوف..

- سكران يسأل محشش: هي الهند بعيدة عن هنا؟ قاله ماعتقدش لان في هندي معانا في الشغل بيجي بعجلة...

- وحدة وحشة أوي بتقول لجوزها: يا رااااجل مش تصلح شباك الحمام عشان وانا بستحمه الجيران مايشوفنيش. قالها : خليهم يشوفوكي عشان يصلحوه على حسابهم...

- محشش سألوه ليش سمو قناة السويس بهذا الإسم؟؟؟ قال:لأن السفن تمشي بسويس بسويس...

- صعيدي لقا مراته مع واحد ثاني، قالولو دي الكاميرا الخفية، قالهم يابوووووووي دية رابع مرة تعملوها فيا...

مقارنة بسيطة بين الطفل الفافى والطفل الهافلايف

دي مقارنه بسيطه بين (الطفل الفافي) ... و(الطفل البيئه )
__________________________________

(الطفل الفافي) و (الهافلايف )
......................................

1-الولد من دول يصحى على صوت الكناري اللي في اوضته ....
- سو سو سو سو .... -
_________

2-يدخل الحمام ياخد شاور .... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -
_________
3- يطلع من الحمام يلاقي الداده مستنياه بفوطه من حريييييير .... وتلاعبه
وتهزر معاه بالانجليزي ....
- الداده معاها دكتوراه من جامعة اسفخص في لندن -
_________
4-يخش على اوضته ... ويفتح الدولاب ويطلع منه هدومه المكويه واللي ريحة
اريال باينه فيها .....
- اريال .... نسيم الصباح -
__________
5- يجيب جزمته من الجزامه ... اللي مليانه جزم وكوتشيهات ...
وسبوووز ......
- تقولش دخلت محل لطفي أو توكيل تمبرلاند -
__________
6- ينزل يفطر مع مامي ودادي ... والفطار كورن فليكس بطعم الستروبوري او
الشوكولات .....
- كورن فيليكس كلووقز .. مش بسكو مصر -
__________
7- يسلم على مامي ويبوسها بعد ماتكون حطتله ديناربوكس بتاعه وفيه .....
ساندوتشين اتشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ -
__________
8- يسلم على دادي اللي يديله البوكيت موني بالدولار ...... مش يعرفو حاجه
اسمها جنيه طبعا
- جنيه ؟؟؟؟ دي عملة انكردت من زمااان -
__________
9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________
10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -
__________
*الطفل البييييئه :
__________
....................
1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -
>>>>>>>>>>>>>>>>>>>>>>>>>>>>>>>>>>>>>>>>

2- العيال دي ماتعرفش اختراع اسمه (غسيل الوش بعد ما تقوم من
النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
>>>>>>>>>>>>>>>>>>>>>>>>>>>>>>>>>>>>>>>>

3- طبعا بعد الخناق ده بيبقى جعان ... تلاقيه بيحوم في الشقه ويدوّر في
المطبخ على اي حاجه ..... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -
>>>>>>>>>>>>>>>>>>>>>>>>>>>>>>>>>>>>>>>>

4- بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير البنطلون
بتاعه وهو نايم ...
- هدومه كلها مكرمشه .... تقولوش طالعه من بق كلب -
>>>>>>>>>>>>>>>>>>>>>>>>>>>>>>>>>>>>>>>>

5- طب وبعدين .... ساعتين بيدور على الجزمه ... مش عارف رزعها فين ....
واخوه الكبير خارج من البيت حافي كمان عشان مايقولش انه خدها ... افتكر
اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات -
>>>>>>>>>>>>>>>>>>>>>>>>>>>>>>>>>>>>>>>>

6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ...... دييييب ....
- ضربة بالحله على نافوخه -
>>>>>>>>>>>>>>>>>>>>>>>>>>>>>>>>>>>>>>>>

7- الباشمهندس الصغير .... مايعرفش فين كتبه ولا كشاكيله اصلا .... عشان
كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -
>>>>>>>>>>>>>>>>>>>>>>>>>>>>>>>>>>>>>>>>

8- هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه .....
- ليااااااااااااااااااااااااااااقة -
>>>>>>>>>>>>>>>>>>>>>>>>>>>>>>>>>>>>>>>>
============
في طابور المدرسه ....
==============
=================
*الطفل الفافي (الهاف لايف) :

1- العيال كلهم واقفين في صفوف شكلها يفرح .. ده غير ريحتهم اللي زي
الفل
- نضافه رباااااااااني -
=======================================

2- الطابور كله تمارين ونشاط ....
- على انغام الدي جي (ياسر شاكر) -

=======================================
3- الاذاعه المدرسيه .... اخبار من مجلات (واشنطون بوست)
- وطبعا ..... مافيش ترجمه -

=======================================
4- يغنو النشيد الوطني بقيادة المايسترو (سليم سحاب)
- (حسن كامي) .... كان بيغنيه معاهم قبل ما ربنا يفتح عليه -

=======================================
5- طالعين فصولهم وكأنهم ملايكه أو فراشات ... وبحماس ونظاااام
- تقريبا .... والله أعلم ... بيحبو مدرستهم .... سبحان الله -

=======================================
*الطفل البيئه :

1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه) -
************************************************** ****
2- بعد التذنيب والشتيمه من مدرس الألعاب (حسن أبو شفه) ... انضم لباقي
زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك
فيهم -
************************************************** ****
3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -
************************************************** ****
4- النشيد الوطني اللي هم بيقولوه .... بتاع دوله مجهوله ... ونفسي
اعرف ايه هي؟؟؟
- طبعا على موسيقا آلات النفخ .... الشيشه -
************************************************** ****
5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
************************************************** ****
بعد المدرسه ما تخلص ... بيرجعو على بيوتهم بنفس الاسلوب .... ونشوف
يومهم عامل ازاي دلوقتي
___________________
*الطفل الفافي (الهاف لايف) :

1- يرجع من السكول تكون الداده في استقباله ... وتشيل منه الشنطه ...
ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
#########################################

2- بعد ما اتشطف .... وإتصبّن - الكلمه دي متعوب عليها على فكره - يقعد
يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

#########################################
3- هاني ... دينر از ريدي
- السيييم بتاعهم لما يجهز الغدا -

#########################################
4- بعد الغدا .... يشرب كبايه (اورانج جووس) وينام ساعه عشان يعرف يذاكر
ويحل الهوم وورك

#########################################
*الطفل البييئه : ! !

1- أخينا رجع من المعتقل ... او المدرسه زي مابيقولو عليها ... وهدومه
كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -
~~~~~~~~~~~~~~~~~~~~~~~~~~~

2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -

~~~~~~~~~~~~~~~~~~~~~~~~~~~
3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -
~~~~~~~~~~~~~~~~~~~~~~~~~~~

4- بعد اكلة الفول بالصلصه ومعاه فحلين بصل ... عادة ما يعقبها احساس
بالضياع
- تنااااااااحه ... فور آيفير -
~~~~~~~~~~~~~~~~~~~~~~~~~~~
بعد حالة التناحه او النوم دي ... بيجي وقت الشده ... ياترى الحياه
معاهم - الطفل الفافي ... والطفل البييئه - عامله ازاي ؟؟؟؟

~~~~~~~~~~~~~~~~~~~~~~~~~~~
*الطفل الفافي (الهاف لايف) :

1- يقوم من النوم على صوت الداده ... الهادي طبعا .. عشان يقوم يذاكر
مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
_____________________
2- بعد ما يخلص المذاكره وتحضير دروس تاني يوم .... مامته تاخده النادي
عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -
_____________________

3- يرجع من النادي .... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
_______________________

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
____________________________
5- ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتي -
_____________________

*الطفل البيييئه :
===========
1- يفوق من حالة التناحه من الفول والبصل على صوت حد من صحابه ... عشان
ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -
_____________________________________
2- يرجع بيتهم وهو بيجري وهدومه متقطعه ودماغه واخده بتاع تلاتين قلم
على سهوه ..... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -
________________________________
3- اخته جابته عشان يحل الواجب ويذاكر .. بس مامعاهوش قلم ... قام نزل
الشارع عشان يجيب قلم
- آدي دقني لو جاب ولا حتى رجع من أصله -
_________________________
4- على الساعه 2 الفجر ... باب بيتهم بيخبط .. وامه فتحت الباب شافت
جارهم دماغه متعوره وجايب لها المحروس اللي كان بيلعب حرب بالطوب وفتح
دماغه
- تقولش طفل من أطفال الانتفاضه -
____________________
5- ساب امه وابوه وهم بيصالحو جارهم وبيبوسو ايده عشان ما يعملوش
محضر ..... واتسحّب المفعوص على المطبخ جاب حتة جبنه وطماطمايه ورغيف
معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل

اليوم التالي لإختفاء الزعيم ..وحدووو... قصة قصيرة منقولة

خرجت جميع الصحف في جمهورية بطيخستان متشحة بالسواد تنعي الزعيم بمختلف عبارات الرثاء ... فصحيفة كذبستان كتبت في صدر صفحتها الأولي ....(( يوم أسود لبطيخستان )) ...وصحيفة هجصستان كتبت تحت صوره للجنازه ...((جموع شعب بطيخستان ألقت نظرة الوداع علي الزعيم الراحل )) وأضافت في عنوان أخر
((يارب صبرنا علي فقدانك يا زعيم )) وإمتلئت جميع الصحف بصور تنقل وقائع الجنازة المهيبة ... وظهرت في إحدي الصور سيدة بسيطة بملابس ممزقة وقد كتب تحت الصورة ... سيدة بطيخية وقد شقت ملابسها حزناً علي الزعيم ...وصوره أخري لسيدة مسنه تلطم خدودها ....وصورة أخري لرجل معاق لم تمنعه إعاقته من المشاركة في الجنازة ...وإنفردت جريدة خداعستان بخبرين ..الأول إنتحار شاب في إحدي محافظات جنوب بطيخستان من فوق سطح بيته حزناً علي الزعيم .. والخبرالثاني إصرار سيدة رزقت بخمسة توائم أمس أن تسميهم (يوم) (وفاة) (الزعيم) (اسود) (مهبب )..!!!.وكتب جميع رؤساء تحرير الصحف السابقة مقالات ترثي الزعيم بعبارات غايه في الحزن حتي ذهب أحدهم أن الحياة لن تطيب بدون وجود زعيم بطيخستان وقامت فضائية بطيخستان بإذاعة آيات القرآن الكريم علي مدار الساعة ونقل وصول زعماء العالم لتقديم واجب العزاء في الفقيد ...
علي صعيد أخر ... إختلف رد الفعل في الشارع البطيخستاني تجاه وفاة الزعيم ... هناك من أصابه الذهول لغياب الزعيم فجأة وظل يتمتم بكلمات غير مفهومة ... وبعضهم ظل يضرب كف بكف ولسان حاله يقول .. هل ممكن أن يموت ويختفي الزعيم بعد كل هذه السنوات ..؟؟ وهناك من بدت عليه السعادة رغم محاولاته المستميتة في إخفائها علي أمل التغيير والإصلاح وأن تتبدل أحوال بطيخستان ويكون الزعيم القادم مخلص لبطيخستان وأن يحل مشاكل بطيخستان من بطاله بنسب عالية وفساد إستشري في جميع أنحاء بطيخستان وخراب إقتصادي غير مسبوق ومخدرات تباع جهاراً نهارا...ًوعلي أمل أن يطلق سراح الآلاف من سجناء الرأي وأن يعيد كرامة المواطن البطيخستاني داخل وخارج بلده بعد أن أصبح( فرجه) في العالم كله... وأن يهتم بالتعليم والبحث العلمي ويعمل علي تطويره فهو الأمل في إعادة ترميم الشخصية البطييخيه و إعادة الإنتماء لها ومعالجة الآثار السلبية التي تراكمت عليها من خداع وتضليل وفساد مورس عليها طيلة عشرات السنيين الماضية ..وأن يجعل دولة بطيخستان تولي إهتمامها لفقرائها وعوانسها وشبابها بدلاً من المزايدة والمتاجره بقضايا خارجية لا تملك فيها بطيخستان قشراً ولا بذراً ...!!
علي جانب أخر سادت حالة ما بين الفوضي والترقب الذي وصل لحد الرعب في الأوساط الرسمية والحزبية البطيخستانية ... فلقد عقدت أمانة الحزب( الفسفس) الحاكم إجتماعاتها لإختيارالزعيم المرتقب وتسربت أنباء عن حدوث مشاحنات أثناء الإجتماع وصلت لحد الإشتباك بالإيدي وقام أحد هم بإلقاء زجاجة بطيخكولا في وجه زميله مما نتج عن إصابته في عينه ..!! وبات مؤكداً أن المنصب سيكون من نصيب من يملك مالاً ونفوذاً أكثر وترضي عنه أمريكا بعد أن إستبعدت السيد ( شمامه ) نجل الزعيم لعدم وجود قبول له في أروقة الحزب عكس ما كان معلن ومتوقع ...
وعلي صعيد أخر تنفست شعوب العديد من الدول المجاورة لبطيخستان الصعداء لرحيل الزعيم علي أمل أن يلحق به زعماء دول نومستان وفتهستان وتوريثستان لوبياستان وشوربهستان... ووقالوا في اللقاءات التي أجرتها معهم قناة الكوسة الفضائية أن كلهم أمل في فك النحس الذي يسيطر علي المنطقة من عشرات السنين وأن تشهد بلادهم طفره ونقله في غياب هؤلاء الزعماء الذين شفطفوا ومصوا البلاد بأكبر (شاليموه ) في التاريخ ... وأن تحكم الشعوب بدل من حكم العائلات المشبوهة والزعماء العملاء ....
أجرأ حوار و أغربه كان لرجل من بطيخستان يجلس علي مقهي قال للمذيعة ...
خايف بعد كل الصبر ده يختاروا.... زعيم أقرع ...!! لا يصلح لرئاسة دوله مثل بطيخستان ...!!!

بقلم المهندس هيثم أبو حليل

قواعد المرور فى مصر بالصور الطريفة